Давлатимиз раҳбари ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббусни илгари сурган эдилар. 5 муҳим ташаббуснинг биринчи ташаббуси ёшларнинг мусиқа, рассомлик, адабиёт, театр ва санъатнинг бошқа турларига қизиқишларини оширишга, истеъдодини юзага чиқаришга хизмат қилади. Биринчи ташаббусни ёшлар орасида кенг жалб қилиш мақсадида Бухоро вилоят қўғирчоқ театрида, театрнинг олий тоифали актрисаси Ибрагимова Анастасия ҳамда Бухоро шаҳар 42 ўрта мактаб ўқувчилари билан, актёрлик маҳорати ва қўғирчоқ театри сир-синоатлари мавзусида ижодий учрашув ташкил қилинди.
