O‘zbekiston Respublikasi Prezidentining 2018-yil 28-noyabrdagi PQ 4038-sonli hamda 2022-yil 2-fevraldagi 112-sonli PQ-Qaror ijrolari hamda O‘zbekiston Respublikasi Madaniyat vazirligi buyrug‘i bilan doimiy ravishda 21-27 mart kunlari o‘tkazib kelinayotgan «Teatr tomoshalari haftaligi» doirasida Buxoro viloyat qo‘g‘irchoq teatrining spektakllar namoyishi davom etmoqda…
Har doimgidek «Teatr tomoshalari haftaligi»ning 3-kunida ham yosh tomoshabinlar hamda ota-onalar milliy kuy-qo‘shiqlar bilan qarshi olindi. Teatr foyesida sahna dekoratsiyalari va tarixiy spektakllar liboslari ko‘rgazmasi ham tashkil qilinib, qo‘g‘irchoq yasash texnologiyasi bilan jajji bolajonlar yaqindan tanishishdi. Shundan so‘ng «Bukri oshpaz» nomli spektakl namoyish etildi.
