P.Imomnazarov 2014- yil yanvar oyidan boshlab Buxoro viloyat qo‘g‘irchoq teatriga aktyor vazifasiga ishga qabul qilindi. O‘zining xushmuomalaligi bilan tezda jamoa mehrini qozondi. Spektakllar va konsert dasturlari boshlovchisi sifatida ko‘zga tashlandi. U izlanuvchan, mehnatkash, tartib-intizomga qat`iy rioya qiladi

U Q.Rustamovning “Arg‘uvon” asarida Olov, Ye.Chepoveskiyning “Ayiqvoyning g‘urralari”da Ayiq polvon, “Gʻolib” da Sher, ”Zarrin qor”da Qorbobo, “Shiroq afsonasi”da Rustak, Doroning Vaziri, “Quvnoq ayiqchalar”da Bobo ayiq, “12 oy”da Dekabr, yanvar, Qorbobo, Zobit, “Zolushka yangi yil bizmida” Qorbobo, “Mangu jasorat”da Jaloliddin, Chingizxon rollarini maromiga yetkazib ijro etib tomoshabinlar e`tirofiga sazovor bo‘ldi.


P.Imomnazarov 2014 -yil O‘zbekiston Davlat san’at va madaniyat institutining “Qo‘g‘irchoq teatri aktyorligi va rejissyorligi san’ati” yo‘nalishi bo‘yicha malakasini oshirib, sertifikatga ega bo‘ldi.
P.Imomnazarov 2015- yil 1-iyuldan Shveysariya hamkorlik byurosi tomonidan viloyat teatrlari ijodiy faoliyatiga ko‘maklashish maqsadida taklif etilgan “ Ustoz-shogird ” o‘quv-tayyorlov loyihasida ishtirok etib, malakasini yanada oshirdi.
P.Imomnazarov 2016 -yil 1-martdan Buxoro viloyat qo‘g‘irchoq teatrida truppa rahbari , 2018 yil 1-fevraldan esa direktor o‘rinbosari vazifasiga tayinlandi.
2018- yil 1-noyabrdan teatr direktori vazifasini vaqtincha bajaruvchi etib tayinlandi.
21-27-mart-“Teatr tomoshalar haftaligi” qo‘g‘irchoq teatrida keng miqyosda o‘tkazilganligi munosabati bilan P.Imomnazarov Viloyat Madaniyat boshqarmasining “Tashakkurnoma” si bilan taqdirlandi.


P.Imomnazarov 2022-yil davlat buyutrmasi asosida Buxoro viloyat qo`g`irchoq teatri IV choragidan o`rin olgan , A.Navoiyning ,,Farhod va Shirin ‘’dostoni asosida X.Rasulning insenirovkasi bo`lgan , O`zbekistonda xizmat ko`rsatgan artist ,rejissor Sh.Yusupov tomonidan sahnlashtirilgan ,,Farhod jasorati’’ spektaklida donishmand- Suqrot, o`zga yurt podshosi –Xusrav hamda Farhodning Yamanlik do`sti — Shopur kabi bosh qahramonlarni jonlantirib tomoshabinlar olqishiga sazovor bo`ldi. 2023-yilning aprelida teatr bosh rejissori lavozimiga ko`ratilgan P.Imomnazarov — oilali, 2 nafar farzandning otasi. Farzandlarini yurtga munosib, qilib tarbiyalamoqda. O‘zining samarali mehnati, ijodiy faoliyati, tajribali malakasi bilan kasbdoshlari orasida hurmat va e`tibor qozongan.